pagyakap sa katotohanan

sa dugtungan ng kamusmusan
patungo sa pagyabong ng kaisipan,
inuukit ng bawat tao ang kanyang katwiran...

kung nanaisin pa,
mailalathala sa isang sanaysay
ang alon na nag-angat
at nagpalubog sa damdamin.

sanlaksang halimbawa at karanasan,
humubog,
lumikha,
nag-tala,
nag-pasaring...
hindi man lang nakatamo ng himala...

ipag-adya na at paghandaan,
bawat humihinga ay lulusong
at masusuob
sa kung minsa'y
walang saysay...

paalam sayo walang katuturan!
huwag na sanang magpangabot
ang ngiti mo sa aking pighati...
suot ko na ang baluti ng karunungan,
sadya na ang kalasag kong
magtatagal kailan pa man...